జాతకచక్రంలో షష్టమ భావ విశ్లేషణ

జాతకచక్రంలో షష్టమ భావ విశ్లేషణ

పాప గ్రహములు షష్టమ స్ధానం లో ఉన్న శత్రు బాధలు అధికంగా ఉండే అవకాశాలు ఉంటాయి. లగ్నం నుండి ఆరవ స్ధానం వ్యాధి, విరోధం, ఋణం, బాధ, గాయాలు, మేనమామలు, మానసిక ఆందోళన, ఋణాల బారిన పడటం, తగువులు, దురదృష్ఠం, చెడ్డపేరు, దొంగతనం, అగౌరవం, శత్రుబాధలు వంటి చెడు ఫలితాలతో పాటు విజయాలు,  పరిశీలనా సామర్ధ్యం, పోటీతత్వంతో ముందుకు వెళ్ళటం వంటి శుభ ఫలితాలను కూడా సూచిస్తుంది. అయితే ఈ భావ కారకత్వాల ద్వారా లభించే శుభ ఫలితాలు కూడా మరో విధంగా కొంత బాధను కలిగించటం గమనించాలి. విజయం పొందటం ఆనందదాయకం అయినా ఆ విజయాన్ని పొందటానికి ఎంతో శ్రమించాలి. పైగా సాధించిన విజయాన్ని నిలబెట్టుకోవటానికి నిరంతరం కృషి చేయాలి. అంటే ఆరవ స్ధానం తెచ్చిపెట్టే ఈ విజయం ఎంతో శ్రమకరమైనదిగా గమనించాలి. సత్యాచార్యుల వారు లగ్నాదిగా షష్ఠాధిపతి లగ్నంలో ఉంటే వ్యక్తి అధికార సంపన్నుడు అవుతాడని అదే విధంగా రోగగ్రస్తుడు కూడా కావటం గమనించాలి అని చెప్పారు.

పంచ మహా పురుష యోగాలు

 పంచ మహా పురుష యోగాలు

రుచక భద్రక హంసక మాలవాః సశశకాః పంచచ కీర్తితాః

స్వభావనోచ్చ గతేషు చతుష్టయే క్షితి సుతాదిషు తాన్ క్రమతా వాదేత్

రుచక మహా పురుష యోగం కుజగ్రహం ద్వారా, భద్రక మహా పురుష యోగం బుధ గ్రహం ద్వారా, హంస మహా పురుష యోగం గురుగ్రహం ద్వారా, మాలవ్య మహా పురుష యోగం శుక్రగ్రహం ద్వారా, శశక మహా పురుష యోగం శనిగ్రహం ద్వారా ఏర్పడతాయి.

రవి చంద్రులు కాక మిగిలిన గ్రహాలైన కుజ, బుధ, గురు, శుక్ర, శని గ్రహాల వల్ల పంచ మహా పురుష యోగాలు ఏర్పడతాయి. ఈ పంచ మహా పురుష యోగాలు ఏర్పడటానికి కొన్ని ముఖ్య సూత్రాలు అవసరమవుతాయి.

కుజ, బుధ, గురు, శుక్ర, శని గ్రహాలు లగ్నానికి గాని, చంద్రునికి గాని కేంద్రాలలో ఉండాలి. ఆ కేంద్ర స్ధానాలు స్వక్షేత్రం గాని, ఉచ్చ గాని అయి ఉండాలి.

జాతకచక్రంలో రోగ పరిశీలన

జాతకచక్రంలో రోగ పరిశీలన

జాతకంలో లగ్నాధిపతి, లగ్నభావం, షష్టాధిపతి, షష్ఠ బావంతో సంబందం ఉన్నయెడల జాతకునికి రోగాలు అడపాదడపా పీడిస్తాయని, ఒక రోగం తరువాత ఇంకో రోగం పీడిస్తూనే ఉంటుంది. వ్యాధి వచ్చిన తరువాత చికిత్స చేసి నయం చేయడం కన్న వ్యాధి రాకుండా చేసుకోవటమే మేలు అని జ్యోతిర్వైద్యం చెబుతున్నది.

నవగ్రహ దోష నివారణకు తినవలసిన దానం చేయాల్సిన వస్తువులు

నవగ్రహ దోష నివారణకు తినవలసిన దానం చేయాల్సిన వస్తువులు

నవగ్రహ దోషాలు ఉన్నప్పుడు ఆయా గ్రహాలకు సంబందించిన ఆహార పదార్ధాలను తినటం వలన గ్రహాలకు సంబందించిన దోషాలు నివారించవచ్చును. తరువాత పూజా సంబందిత కార్యక్రమాలు, దాన ధర్మాలు చేయటం ద్వారా దోషాలను నివారించవచ్చును. జాతకంలో గ్రహాలు శత్రు క్షేత్రాలలో ఉన్న, నీచలో ఉన్న, అస్తంగత్వ ప్రభావంలో ఉన్న, పాపార్గళంలో ఉన్న, గ్రహం ఉన్న రాశిలో తక్కువ అష్టకవర్గు బిందువులు ఉన్న, గ్రహాలకు సంబందించిన దశాంతర్ధశల యందు, గోచార నందు ఆయా గ్రహాలకు సంబందించిన ఆహార పదార్ధాలు తినటం ద్వారా అవి మన శరీరానికి పట్టి ఆయా గ్రహాలు ఇచ్చు దోష ఫలితాలను నివారించవచ్చును. గ్రహాలకు సంబందించిన ఆహార పదార్ధాలను మన శరీరానికి తీసుకున్న తరువాత పూజా పూజలు, వ్రతాలు, యఙ్ఞాలు, దాన ధర్మాలు మొదలగు కార్యక్రమాలు నిర్వహించుకోవచ్చును. 

జలతత్వ రాశులలో జన్మించిన వారి లక్షణాలు

జలతత్వ రాశులలో జన్మించిన వారి లక్షణాలు 

జలతత్వ రాశులు :- కర్కాటకం, వృశ్చికం, మీన రాశుల వారు జలతత్వ రాశులకు చెందినవారు. అధిపతులు వరుసగా చంద్రుడు, కుజుడు, గురువు.  జలతత్వ రాశుల వారు ఆవేశపరులు, చిన్న చిన్న విషయాలకు ఆందోళన చెందటం, కష్ట సుఖాలు, సంపదలను గూర్చి ఎక్కువగా ఊహించుకోవటం. బార్యా పిల్లలతో ఎక్కువ ప్రేమాభిమానాలు కలిగి ఉంటారు. పరిసరాలకు ఆనుగుణంగా లోబడి ప్రవర్తిస్తారు. 

వాయుతత్వ రాశులలో జన్మించిన వారి లక్షణాలు

వాయుతత్వ రాశులలో జన్మించిన వారి లక్షణాలు

వాయుతత్వ రాశులు:- మిధునం, తుల, కుంభ రాశుల వారు వాయుతత్వానికి చెందినవారు. వాయుతత్వ రాశుల వారు ఆలోచనల మీద, ప్రణాళికల మీద, పధకములు వేయుట యందు గడుపుదురు. తెలివితేటలు, సామర్ధ్యంపై విశ్వాసం ఎక్కువ. సాంఘిక కార్యక్రమముల యందు కొత్త పధకాలు తయారు చేయుట, అనేక మందిని (స్నేహితులను, అధికారులను) కలుపుకొనిపోవుట. కొత్త విషయాలు తెలుసుకొనుట, కొత్త ప్రదేశాలు దర్శించుట వీరి అభిరుచులు. కష్టించి పని చేయటం కష్టం. మానవ జాతికి ఉపకరించు ఏ కార్యక్రమమైన వీరు చేపడతారు. నిస్వార్ధత, మానవ శ్రేయస్సు వీరి యందుండు లక్షణాలు. 

భూతత్వ రాశులలో జన్మించిన వారి లక్షణాలు

భూతత్వ రాశులలో జన్మించిన వారి లక్షణాలు

భూతత్వరాశులు:- వృషభం, కన్య, మకర రాశులు భూతత్వానికి చెందినవి. వీటికి వరుసగా శుక్ర, బుధ, శని అధిపతులు. భూతత్వరాశుల వారు మంచి దృడమైన శరీరం కలిగి ఉంటారు. మంచి భోజన ప్రియులు. కూడబెట్టుట, ఏదైనా పనిని ప్రారంభించే ముందు లాభ నష్టములను బేరీజు వేసుకొని ప్రవర్తించెదరు. వ్యక్తిగత విషయాల యందు, ఊహా జగత్తుల యందు విహరించుట. బౌతిక విషయాల యందు, జీవనం నందు విశ్వాసం ఉండును. ఏదైనా పనిని ప్రారంభించిన వదిలిపెట్టరు. వీటిని అర్ధ త్రికోణ రాశులు అని కూడ అంటారు. మంచి జీవనోపాధి కలిగి ఉంటారు. 

వధూవరుల వివాహ విషయంలో జన్మ నక్షత్ర, నామ నక్షత్ర ప్రాధాన్యత

వధూవరుల వివాహ విషయంలో జన్మ నక్షత్ర, నామ నక్షత్ర ప్రాధాన్యత

జాతకాలు చూపించి వివాహం చేసినా లేదా చూపించ కుండా వివాహం చేసినా మనకు బ్రహ్మ లిఖితం ప్రకారం రాసి పెట్టి ఉన్న అమ్మాయి, అబ్బాయిలకే వివాహం అవుతుంది. జాతకాలు చూడడం అనే టెక్నాలజీ ద్వారా మనం ప్రతి సంబంధం గురించి వెంట పడకుండా ఉండటం కోసమే ఈ విధానం చెప్పారు. జాతకాలు చూపించాం కదా అని అవగాహనా లోపాలు, విడాకులు వంటి దోషాలు సమసిపోవు.

అగ్నితత్వ రాశులలో జన్మించిన వారి లక్షణాలు

అగ్నితత్వ రాశులలో జన్మించిన వారి లక్షణాలు

అగ్నితత్వ రాశులు :- మేషం, సింహాం, ధనస్సు రాశుల వారు అగ్నితత్వానికి చెందినవారు. వీటికి వరుసగా అధిపతులైన కుజ, సూర్య, గురువు అగ్నితత్వం కలిగి ఉంటారు. అగ్నితత్వ రాశుల వారు ఉష్ణ తత్వం కలిగి కోప స్వభావాలు కలిగిఉంటారు. అగ్నితత్వం కావటం వలన వికాసం, శక్తి సామర్ధ్యాలు, చైతన్యం, ప్రేరణ, సాహసం, పౌరుషం, కోపం మొదలగు లక్షణాలు కలిగి ఉంటారు. న్యాయకత్వం, దైర్యసాహసాలు, శత్రువులపైన విజయాలు.

చర, స్ధిర, ద్విస్వభావ రాశుల వారి స్వభావాలు

చర, స్ధిర, ద్విస్వభావ రాశుల వారి స్వభావాలు

మేషం, కర్కాటకం, తుల, మకర రాశులు చర రాశులు.
వృషభం, సింహం, వృశ్చికం, కుంభ రాశులు స్ధిర రాశులు.
మిధునం, కన్య, ధనస్సు, మీనం రాశులు ద్విస్వభావ రాశులు.

గురు చండాల యోగ విశ్లేషణ

గురు చండాల యోగ విశ్లేషణ 

గురు, రాహువుల కలయికను గురు, రాహు దోషం అని, కేంద్ర స్ధానాలైన 1, 4, 7, 10 బావాలలో గురు, రాహువులు కలసినప్పుడు దానిని గురు చండాలయోగం గాను పిలుస్తారు. మిగతా స్ధానాలలో కంటే కేంద్ర భావాలలో రాహు, గురుల కలయిక ఎక్కువ పాప ఫలితాలను ఇస్తుంది. ఎందుకంటే కేంద్ర స్ధానాలలో పాపగ్రహాలు పాప ఫలితాలను, శుభ గ్రహాలు శుభ ఫలితాలను ఇస్తాయి. అయితే గురు, రాహువులు 10 డిగ్రీల లోపు ఉంటేనే వారి ఇద్దరి మధ్య సంయోగం ఏర్పడి గురు చండాల యోగ ఫలితాలను పొందుతారు. గురు, రాహువుల మధ్య 10 డిగ్రీల కంటే ఎక్కువ దూరంలో ఉన్నప్పుడు గురు, రాహువులు ఏ భావంలో ఉంటే ఆ భావ ఫలితాలను గురు చండాల యోగ ఫలితాలను ఇవ్వలేరు.   

జాతకచక్రంలో చతుర్ధ భావ విశ్లేషణ

జాతకచక్రంలో చతుర్ధ భావ విశ్లేషణ

చతుర్ధ భావాన్నే మాతృభావం అంటారు. మమకారం చూపించేవారిని (తల్లి లేదా తండ్రి), పితృ ధనం, ఆయుర్ధాయం, జలోపద్రవాలు, సముద్రయానం, శయనం, స్ధాన చలనం, ఆరోగ్యం, సాదారణ విద్య, గృహం, సుఖం, వాహనం, స్ధిరాస్ధులు, భార్య చేసే వృత్తి ద్వారా వచ్చే ధనం, వ్యవసాయం, ఉద్యోగంలో కష్టాలు, విదేశాలలో బహిష్కరణకు గురి కావటం, గుండెజబ్బులు, మనస్సుపై ప్రభావం, మనిషి ప్రవర్తన, వ్యక్తికి స్ధిరత్వం, ఆస్తులు, వాహనాల స్ధిరత్వం, స్ధిరమైన విద్య, సేవకుల యొక్క స్ధిరత్వం, అన్నీ విషయాలకు స్ధిరత్వాన్ని ఈ భావంలో చూడచ్చు. సేవకులపై అజమాయిషీ, వాహన ప్రమాదాలు, గౌరవం, హోదా, విద్య ద్వారా అభివృద్ధి, ఆదాయ నష్టాలు, పూర్వజన్మలో చేసిన పాప కర్మలు, సంతాన అరిష్టాలు, మానసిక ప్రశాంతత, ఎదుగుదల, విశేషమైన చరాస్ధులు కలిగి మనో చింతనలు ఎక్కువగా ఉండచ్చును. ఈ స్ధానం పాడైతే మానసిక ఆందోళనలు, తల్లికి దురదృష్టం, ఆస్తుల విషయంలో చిక్కులు, చిన్నతనంలోనే తల్లిని కోల్పోవుట జరుగును. 

గ్రహాలు కలుగజేయు వాత, పిత్త, కఫ, సన్నిపాత లక్షణాలు

గ్రహాలు కలుగజేయు వాత, పిత్త, కఫ, సన్నిపాత లక్షణాలు 

రవి గ్రహం:- గ్రీష్మ ఋతువులో  పిత్తం ఎక్కువగా వాతం అల్పంగా ఉంటుంది.
చంద్ర గ్రహం:- వర్ష ఋతువులో వాతం అధికంగా కఫం అల్పంగా ఉంటుంది.
కుజ గ్రహం :- గ్రీష్మ ఋతువులో  పిత్తం ఎక్కువగా ఉంటుంది.
బుధుడు :- శరత్ ఋతువులో వాత, పిత్త, కఫ లక్షణాలు కలిగి ఉంటాయి.
గురువు :- హేమంత ఋతువులో కఫం అధికంగా వాతం అల్పంగా ఉంటుంది.
శుక్రుడు :- వసంత ఋతువులో వాతం అధికంగా కఫం అల్పంగా ఉంటుంది.
శని గ్రహం :- శిశిర ఋతువులో వాతం అధికంగా పిత్తం అల్పంగా ఉంటుంది. 

షోడశ వర్గ చక్రాల విశ్లేషణ

షోడశ వర్గ చక్రాల విశ్లేషణ 

జాతకచక్రంలో కేవలం రాశి చక్రాన్నే కాకుండా బావచక్రాన్ని,నవాంశ చక్రాన్ని, షోడశ వర్గ చక్రాలను కూడా పరిశీలించాలి. జాతకచక్ర పరిశీలన చేసేటప్పుడు షోడశ వర్గ చక్రాలను కూడ జాతకచక్రంలోని పరిశీలించాలి.ఈ షోడషవర్గుల పరిశిలన వలన జాతకచక్రంలోని రహస్యమైన అంశములను తెలుసుకొనుటకు అవకాశము కలదు.

ఈ షోడశవర్గులే కాక జైమిని పద్దతిలోనూ, తాజక పద్దతి యందు పంచమాంశ, షష్ఠాంశ, అష్ఠమాంశ, లాభాంశ లేక రుద్రాంశ అను నాలుగు వర్గులను సూచించినారు.

జాతకచక్రంలో తృతీయ భావ విశ్లేషణ

జాతకచక్రంలో తృతీయ భావ విశ్లేషణ 

తృతీయ భావంలో సోదరులు, తోబుట్టువులు, ధైర్యం, సాహసం, దగ్గరి ప్రయాణాలు, ఆయుర్ధాయం, చిత్ర లేఖనం, గొంతు, చెవులు, బంధువులు, జన సహకారం, మిత్రులు, కమ్యూనికేషన్, కవిత్వం, మ్యూజిక్, నృత్యాలు, డ్రామా, క్రీడలలో రాణింపు (స్పోర్ట్స్), వృత్తి సేవకులు, సంతానాభివృద్ధి (పంచమానికి లాభ స్ధానం), స్వయం కృషి, స్వయం ఉపాది, స్వయం వృత్తి, శరీర పుష్టి, భుజాలు, కుడిచేయి, సవతి తల్లి, తల్లి అనారోగ్యం (చతుర్ధానికి వ్యయం), వ్యామోహాలు, కోరికలు (కామ త్రికోణం) ఉపచయ స్ధానం వంటి విషయాలను పరిశీలించవచ్చును. 

గ్రహాలు - హోరఫలాలు

గ్రహాలు - హోరఫలాలు

శ్లో|| మందమారేజ్య భూపుత్ర సూర్య శుక్రేందుజేందవ్:
మదాదధ: క్రమేణస్యు: చతుర్థా దివసాధిపా:||

అన్ని కక్ష్యలకంటే పైన నక్షత్ర కక్ష్య దాని తరువాత శని కక్ష్య.
ఆ శని కక్ష్య నుండి నాల్గవ కక్ష్య సుర్య కక్ష్య కాబట్టి మొదటి వారం సూర్య(ఆది)వారము, సూర్యునికి నాల్గవ కక్ష్య చంద్ర కక్ష్య కాబట్టి రెండవ వారం చంద్ర(సోమ)వారము, చంద్రునికి నాల్గవ కక్ష్య కుజ కక్ష్య కాబట్టి మూడవ వారం కుజ(మంగళ)వారము, కుజునికి నాల్గవ కక్ష్య బుధ కక్ష్య కాబట్టి నాల్గవ వారం బుధవారము, బుధునికి నాల్గవ కక్ష్య గురు కక్ష్య కాబట్టి ఐదవ వారం గురువారము, గురునికి నాల్గవ కక్ష్య శుక్ర కక్ష్య కాబట్టి ఆరవ వారం శుక్ర(భృగు)వారము, శుక్రనికి నాల్గవ కక్ష్య శని కక్ష్య కాబట్టి ఏడవ వారం శని(మంద)వారము.

కరణాలు వాటి ప్రాముఖ్యత_The kARANALU are their significance

  

     తిధిలో సగ భాగమునకు కరణం అని పేరు. తిధి ప్రమాణం 12డిగ్రీలు. తిధి ప్రారంభం నుండి మధ్య వరకు మొదటి 6 డిగ్రీలు మొదటి కరణం అగును. తిధి మద్య నుండి ప్రారంభమై అనగా 7 డిగ్రీల నుండి 12 డిగ్రీల వరకు అనగా తిధి అంతం వరకు ద్వితీయ కరణం ఉండును. ప్రతిరోజు రెండు కరణములు వచ్చును.

    తిధిలో పూర్వార్ధమున పూర్వార్ధ కరణం ఉత్తరార్ధమున ఉత్తరార్ధ కరణం ఉండును. పంచాంగాలలో సూర్యోదయము నందు ఉన్న కరణం మాత్రమే చూపబడును. ఆ తరువాత కరణం చూపబడదు.

    కరణం అంటే చేయునది అని అర్ధం. కరణాలు రెండు రకాలు. చర కరణాలు, స్ధిర కరణాలు. కరణాలు మొత్తం 11.
చర కరణాలు :- 1) బవ 2) బాలవ 3) కౌలవ 4) తైతుల 5) గరజి 6) వణిజ 7) విష్టి (భద్ర)
స్ధిర కరణాలు:- 8) శకుని 9) చతుష్పాత్ 10) నాగ 11) కింస్తుఘ్న
=======================================
చంద్ర స్ఫుటం నుండి రవి స్ఫుటాన్ని తీసివేసి కరణం వచ్చును.

       చర కరణాలు 7 ప్రతి మాసంలోను శుక్లపక్ష పాడ్యమి ఉత్తరార్ధం నుండి బహుళ చతుర్ధశి పూర్వార్ధం వరకు ప్రతి తిధికి రెండు కరణాల వంతున మళ్ళీ మళ్ళీ వస్తుంటాయి.

స్ధిర కరణాలు బహుళ చతుర్ధశి ఉత్తరార్ధము మొదలు శుక్ల పాడ్యమి పూర్వార్ధం ఒకసారి మాత్రమే వస్తాయి.

     చర కరణాలు 7 ప్రతి మాసంలో 8 సార్లు వస్తాయి. స్ధిర కరణాలు 4 ఒకసారి మాత్రమే వస్తాయి. కరణాలలో స్ధిర కరణాలైన శకుని, చతుష్పాత్, కింస్తుఘ్నం, చర కరణాలలో విష్టి, వణిజ కరణాలు మంచివి కావు కావున శుభ ముహూర్తాలలో విడిచి పెట్టాలి.

   విష్టి కరణం మొదలు సర్పాకృతిని, చివర తేలు ఆకృతిని కలిగి ఉండును. విష్టి కరణములో మొదటి నాలుగు గంటలు, చవరి నాలుగు గంటలు వదలి మగ్య నాలుగు గంటలు శుభకార్యాలలో తప్పని పరిస్ధితి ఐతే తీసుకోవచ్చును.

షష్ట్యంశ వర్గచక్ర విశ్లేషణ

షష్ట్యంశ వర్గచక్ర విశ్లేషణ

      షష్ట్యంశ కాల వ్యవధి 30 నిమిషాలు. ప్రతిభావాన్ని అరవై భాగాలు చేయగా 0 -30 నిమిషాల ప్రమాణం ఉంటుంది. ఒక షష్ట్యంశ బేసిరాశులలో 0 నుండి 60 వరకు, సరి రాశులలో 60 నుండి 0 వరకు లెక్కించటం జరుగుతుంది. రాశిలో ఉన్న గ్రహ స్ఫుటాన్ని 2 పెట్టి గుణించి, నిమిషాలను వదలివేసి, డిగ్రీలను 12 పెట్టి భాగించి శేషానికి 1 కలపాలి. వచ్చిన మొత్తాన్ని ఆ గ్రహం ఉన్న రాశి నుండి లెక్కించాలి. 2 నిమిషాల కాల వ్యవదిలో షష్ట్యంశ వర్గ చక్రంలో గ్రహాలు మార్పు చెందుతాయి కావున కవలల విషయంలో షష్ట్యంశ వర్గ చక్రం విశ్లేషణ అత్యంత ప్రాముఖ్యమైనది.

   షష్ట్యంశ ద్వారా సమస్త విషయాలు తెలుసుకోవచ్చును. పూర్వజన్మ విషయాలు తెలుసుకోవచ్చును. కవలల పిల్లల విశ్లేషణకు, ముహూర్త విషయంలో, ముహూర్త లగ్నం షష్ట్యంశలో మంచిగా ఉండాలి.

    గురుగ్రహం మృదంశలో ఉంటే గురుగ్రహ అనుగ్రహం లభించినట్టే. బేసిరాశులలో 19 వది, సరిరాశులలో 42 వది మృదంశ అవుతుంది. 

బేసి రాశులలో మృదంశ డిగ్రీలు -9°-0' నుండి 9°-30'   
సరి రాశులలో మృదంశ డిగ్రీలు - 20°-30' నుండి 21°-00'

    బేసిరాశులలో మిధున, తుల, ధనస్సు మంచివి. సరిరాశులలో వృషభ, కర్కాటకం, మీనం మంచివి. సర్వోత్తమ స్దితి మీనరాశిలో రేవతి నక్షత్రంలో గురువు ఉండటం మంచిది. పై స్ధితులలో గురువు ఉన్న ఇబ్బంది పడుతున్నారంటే దాని అర్ధం ఈ జన్మలో గురుదోషం ఉందని అర్ధం.

లగ్నం గాని, గ్రహం గాని శుభ  షష్ట్యంశలలో ఉంటే శుభ ఫలితాలను, పాప షష్ట్యంశలలో ఉంటే అశుభ ఫలితాలను ఇస్తాయి. 60 షష్ట్యంశలలో 60 మంది దేవతలు ఉంటారు.

షష్ట్యంశ దేవతలు 

ఘోరశ్చ రాక్షశో దేవః కుబేరో యక్షకిన్నరౌ ।
భ్రష్టః కులఘ్నో గరలో వహ్నిర్మాయా పురీషకః ॥

అపామ్పతిర్మరుత్వాంశ్చ కాలః సర్పామృతేన్దుకాః ।
మృదుః కోమలహేరమ్బబ్రహ్మవిష్ణుమహేశ్వరాః ॥

దేవార్ద్రౌ కలినాశశ్చ క్షితీశకమలాకరౌ ।
గులికో మృత్యుకాలశ్చ దావాగ్నిర్ఘోరసంజ్ఞకః ॥

యమశ్చ కణ్టకసుధాఽమృతౌ పూర్ణనిశాకరః ।
విషదగ్ధకులాన్తశ్చ ముఖ్యో వంశక్షయస్తథా ॥

ఉత్పాతకాలసౌమ్యాఖ్యాః కోమలః శీతలాభిధః ।
కరాలదంష్ట్రచన్ద్రాస్యౌ ప్రవీణః కాలపావకః ॥

దణ్డభృన్నిర్మలః సౌమ్యః క్రూరోఽతిశీతలోఽమృతః ।
పయోధిభ్రమణాఖ్యౌ చ చన్ద్రరేఖా త్వయుగ్మపాః ॥

సమే భే వ్యత్యయాజ్జ్ఞేయాః షష్ట్యంశేశాః ప్రకీర్తితాః ।
షష్ట్యాంశస్వామినస్త్వోజే తదీశాదవ్యత్పయః సమే ॥

శుభషష్టయంశసంయుక్తా గ్రహాః శుభఫలప్రదాః ।
క్రూరషష్ట్యంశాసంయుక్తా నాశయన్తి ఖచారిణః ॥

దశమాంశ వర్గ చక్రం

దశమాంశ వర్గ చక్రం

ఒకరాశిలో 10 వ భాగం దశమాంశ అవుతుంది. ఒక్కో భాగం 3° ప్రమాణం ఉంటుంది. రాశి చక్రంలో మొత్తం 120 దశమాంశలు ఉంటాయి.  బేసి రాశులకు ఆ రాశి నుండి, సరి రాశులకు నవమ స్ధానం నుండి గణన ప్రారంభమవుతుంది.

దశమాంశ చక్రం ద్వారా మనం చేసే కర్మలు, వాటి ఫలితాలు, ఉద్యోగం, గౌరవాలు, కీర్తి ప్రతిష్టలు, వృత్తిలో అంచనాలు, పోటితత్వం, విజయాలు, సమాజంలో తమకున్న ప్రాముఖ్యత, సంఘంలో పలుకుబడి మొదలగు వాటిని తెలుసుకోవచ్చును.  దశమాంశ వర్గ చక్రంలో గురువు ఉన్న స్ధితిని బట్టి వ్యాపారం లేదా ఉద్యోగంలో పురోగతి మరియు పెరుగుదల గురించి తెలుసుకోవచ్చును.

కుజగ్రహం గురించి కొన్ని ఆసక్తికర విషయాలు

కుజ గ్రహం గురించి కొన్ని ఆసక్తికర విషయాలు

కుజుడు సామాన్యునిలో ఉత్తేజాన్ని, హంతకునిలో హింసను, బాలునిలో భయాన్ని, ప్రేమికునిలో రక్తిని, కార్మికునిలో శ్రమశక్తిని ఉత్తేజపరుస్తుంది.

కుజదోషాన్ని పూర్వం ఆడవారికి మాత్రమే చూసేవారు. కుజుడు ప్రధమ భావంలో జలరాశిలో ఉంటే స్త్రీ లోలుడు, మద్యపాన ఆశక్తి కలవాడు అవుతాడు.

కుజుడు షష్ఠం లో ఉంటే తొందరగా, హడావుడిగా మాట్లాడతారు. జాతకంలో కుజుడు దోషి అయినప్పుడే అతనికి దోషం అవుతుంది. యోగ కారకుడైన కుజదృష్టి గుణప్రదమే అవుతుంది.

మకరరాశిలో సూర్య, చంద్రులు ఉండి కుజ ప్రభావం ఉంటే మోకాలు సమీపంలో అనారోగ్యాలు గాని దెబ్బలు గాని తగిలే అవకాశాలు ఉన్నాయి.