చంద్రకాంత మణి_Candrakanta Maṇi

చంద్రకాంత మణి

     చంద్రుడు జల గ్రహం.నీటిపై ఎక్కువ ప్రభావం చూపుతాడు.సముద్రంలో ఆటుపోటులకు చంద్రుడే కారకుడు.అందుకే అమావాస్య, పౌర్ణమి రోజులలో సముద్రం ఆటుపోట్లకు లోనై ఒకొక్కసారి తుఫాన్ లకు దారి తీస్తుంది.చంద్రుడు మానవ శరీరం లోని రక్తంపై అధిక ప్రభావం కలిగి ఉంటాడు.మన శరీరం అధికభాగం రక్తంతో కూడుకొని ఉంటుంది.

     జాతక చక్రంలో చంద్రుడు నీచ లోవున్న,శత్రు క్షేత్రాలలో వున్న ,అమావాస్య, పౌర్ణమి రోజులలో జన్మించిన వ్యక్తులపై పెద్ద వాళ్ళ దృష్టి లేకపోతే చంచలమైన స్వభావంతో చెడ్డ పనులకు అలవాటు పడతారు .కాబట్టి అలాంటి వారిపై పెద్దవాళ్ళ దృష్టి ఉండటమే కాకుండా సరియైన వాతావరణంలో పెరిగే విధంగా జాగ్రత్తలు తీసుకోవాలి. జాతకచక్రంలో చంద్రుడు అష్టమంలో వుంటే బాలారిష్ట దోషం ఉంటుంది.

    చంద్రుడు కేంద్ర స్ధానాలలో బలంగా ఉంటాడు. చతుర్ధంలో చంద్రుడు ఉంటే ఆలోచనాశక్తి కలిగి ఉంటాడు. మానసిక ద్రుడత్వాన్ని కలిగిస్తాడు. చంద్రుడు బలహీనపడితే అనవసర భయాలను కలిగిస్తాడు. చంద్రగ్రహ దోషం ఉన్నవారికి ఎడమకన్ను లోపం ఉంటుంది. చంద్రుడు బలహీనంగా ఉంటే తల్లి విషయంలో జాగ్రత్తలు తీసుకోవాలి. జాతకంలో చంద్రుడు బలహీనంగా ఉన్నప్పుడు బాల్య దశలోనే చెడు ఫలితాలను ఇస్తాడు. చంచల స్వభావాలను కలిగిస్తాడు. అతిశీఘ్రగతికి కారకుడైన చంద్రుడు బలహీనంగా ఉంటే పనులలో ఆటంకాలు కలిగిస్తాడు. మతిమరుపు కలిగిస్తాడు.

     చంద్రునిపై శుక్రదృష్టి ఉన్న సంగీతం, కళలు, ఆనందం పెంపొందించే ఆటపాటల యందు అనురక్తి కలిగి ఉంటారు. అదే చంద్రుడు బలహీనంగా ఉన్నప్పుడు కళలలో రాణింపు ఉండదు. స్తీల జాతకంలో చంద్రుడు బలహీనంగా ఉంటే రుతుక్రమం సక్రమంగా ఉండదు. చంద్రుడు, శని కలయిక లేదా సమసప్తకాలలో ఉన్న ద్వికళత్ర యోగానికి దారిటీసే అవకాశాలు ఉన్నాయి.

   చంద్రుడు బలహీనంగా ఉన్న కొన్నాళ్ళు ధైర్యంగా, కొన్నాళ్ళు పిరికితనంగా ఉంటారు. చంద్రుడు బలహీనంగా ఉన్న చంద్రకాంత మణిశిలను ఉంగరంగా గాని, లాకెట్ గాని ధరించటం మంచిది.