గ్రహాలు-సంయోగం

గ్రహాలు-సంయోగం

ఒక రాశిలో గాని,ఒక బావంలో గాని రెండు గ్రహాలు కలసినప్పుడు గ్రహ సంయోగమవుతుంది.రెండు గ్రహాల మద్య అవది లేనప్పుడు (దూరం) వాటి ప్రభావం విశేషంగా ఉంటుంది.ఆ రెండు గ్రహాల స్వభావం,కారకత్వం,రాశితత్వం అవి ఏ భావాలకు ఆదిపత్యం వహించాయో ఆ భావాలు,ఏ భావంలో కలిసాయో ఆ భావానికి చెందిన విషయాలపై ప్రభావం చూపిస్తాయి.

ఒకే డిగ్రీలో రెండు గ్రహాలు కలసినప్పుడు అది స్పష్టమైన సంయోగమవుతుంది.అయితే సంయోగానికి ముందుఆ తరువాత 8° వరకు గ్రహ సంయోగ ప్రభావం ఉంటుంది.

సూర్య చంద్రుల విషయంలో ఈ దీప్తాంశలు ఎక్కువ.సూర్యుడు మరొక గ్రహాన్ని సమీపిస్తున్నప్పుడు సంయోగ డిగ్రీకి 12° ముందు నుండి దీప్తాంశ ప్రారంభమై సంయోగం చెందిన డిగ్రీ నుండి 17° వరకు వ్యాపిస్తుంది.చంద్రుని దీప్తాంశ సంయోగ డిగ్రీకి 8°ముందు నుండి ప్రారంభమై సంయోగ డిగ్రీ నుండి 12° వరకు వ్యాపిస్తుంది.చంద్రుడు ఉన్న నక్షత్రం (ఒకే పాదం)నందు గ్రహం ఉన్న చంద్ర సగ్రహ దోషం ఏర్పడును.

ఇతర గ్రహాల దీప్తాంశ సంయోగ డిగ్రీకి 8°ల ముందు నుండి సంయోగమైన తరువాత 8°ల వరకు ఉంటుంది.ఒక గ్రహం మరియొక గ్రహాన్ని సమీపిస్తున్నప్పుడు కలసినప్పుడు దాని ప్రభావం అదికంగా ఉంటుంది.కలసి విడిపోయిన తరువాత అంత ప్రభావం ఉండదు.

ఉదా:-పైన  ఉన్న జాతకచక్రంలో కన్యాలగ్నం లో సూర్యుడు,బుదుడు,రాహువు గ్రహాలు ఉన్నాయి.

లగ్నం:-25° ల 14 నిమిషాల 25 సెకండ్లలో ఉన్నది.

సూర్యుడు :-18° ల 52 నిమిషాల 39 సెకెండ్లలో ఉన్నది.

బుధుడు:-22° ల 58 నిమిషాల 10 సెకెండ్లలో ఉన్నది.

రాహువు:-2° ల 16 నిమిషాల 14 సెకెండ్లలో ఉన్నది.

సూర్యుడికి ,బుధుడికి మద్య సంయోగ అవది 4° ల 6 నిమిషాలు సుమారుగా ఉన్నది.కాబట్టి సూర్య,బుధ గ్రహాల మద్య సంయోగ అవది 8° ల కంటే తక్కువ ఉన్నది కాబట్టి ఈ రెండు గ్రహాల యొక్క ప్రభావం జాతకంలో విశేషంగా ఉంటుంది.

రాహు,సూర్య గ్రహాల మద్య 16° ల అవది ఉండటం వలన జాతకంపై ఈ రెండు గ్రహాల సంయోగ ప్రభావం తక్కువ.అదే విధంగా రాహు ,బుధ గ్రహాల మద్య 20° ల సంయోగ అవధి ఉండటం వలన జాతకంపై ఈ రెండు గ్రహాల సంయోగ ప్రభావం తక్కువగా ఉంటుంది.