ఏకాదశ శుక్రుడు దోష ఫల ప్రదుడు

ఏకాదశ శుక్రుడు దోష ఫల ప్రదుడు

సాథారణముగా ఏ గ్రహమైనా ఏకాదశ స్థానములో ఉంటే చాలా మంచిది.అని ఆ గ్రహ దశలలో మంచియోగం పడుతుందని జ్యోతిష్య శాస్త్ర ప్రమాణిక గ్రంథములలో చెప్పబడుతుంది.కానీ శుక్రుడు మాత్రం ఏకాదశంలో యోగించడు.వేల జాతకాలు పరిశీలించి తెలుసుకున్న సత్యం.

శుక్రుడు లాభస్థానములో కంటే వ్యయస్థానములోఅంటే పన్నెండవ స్థానంలోనే ఎక్కువగా యోగి స్తాడు.లాభస్థానములో ఉండి శుక్రుడు ఉఛ్ఛస్థితిని పొందినప్పుడు మరింత ప్రతికూల ఫలితాలను ప్రసాదిస్తాడు.శుక్రుడు నీచలోనూ యోగకారకుడే.27వ డిగ్రీలోనూ,పరమ నీచలోనూ ఉన్నప్పుడు మాత్రం యోగకారకుడు కాదు.నీచ భంగమయినప్పుడు శుక్ర గ్రహం మంచియోగాన్ని ఇస్తుంది. ఏ కాదశంలో ఉన్న శుక్రుడు మారక యోగ లక్షణాలను కలిగి ఉంటాడు.

శుక్రహోర

శుక్రహోర

శుక్ర హోరకు అథిపతి శుక్రుడు.శుక్ర వారము లేదా చంద్రుడు భరణి,పూర్వ ఫల్గుణి,పూ ర్వాషాఢ నక్షత్రములలో సంచరిస్తున్నప్పుడు శుక్రహోరా సమయములో శుక్రుని ప్రభావము చాలా అథికముగా ఉంటుంది.
శుక్రవారం శుక్రహోరలో కఠిన హృదయాలు సైతం కరుణ,ప్రేమతో నిండే సమయము.ఎవరైనా కోపిష్టి. మూర్ఖుడు, కఠినుడు అయిన వ్యక్తిని కలవడానికి శుక్రహోరను ఎన్నుకోండి.ఆ సమయములో మీరు చెప్పిన విషయాన్ని స హనముతో వింటారు.మీకు శాంతముగా సమాథానము ఇస్తాడు.

పెళ్ళి చూపులకు శుక్రహోర సమయము ఉత్తమమైనది.నగలు,పట్టు చీరలు,రత్నాలు, గంథము,గ్లాసు,సుగంథ ద్రవ్యములు,అలంకరణ వస్తువులు కొనడానికి మంచి సమయము.అలా గే విలాసవంతమైన వస్తువులు, వాహనము కొనడానికి,సినిమా థియేటర్లు,స్టూడియోలు,సంగీత కళాశాలలు.పాఠశాలలు,కళాశాలలు శుక్రవారముశుక్రహోరలో ప్రారంభించుట శుభదాయకము.

రాశులు అనారోగ్యం - జాగ్రత్తలు

రాశులు అనారోగ్యం - జాగ్రత్తలు

సాధారణంగా అనారోగ్యాలు పన్నెండు రాశులవారికి వేరువేరుగా ఉంటాయి. అవి రాకముందే కొన్ని రకాల జాగ్రత్తలు పాటించి ప్రయోజనం పొందవచ్చు. అసలు జ్యోతిష్య శాస్త్ర రీత్యా ఏయే రాశులవారికి ఎలాంటి అనారోగ్యాలు సూచించబడుతున్నాయి, వారు ఎలాంటి ఆహార నియమాలు పాటించాలి, ఎలాంటి మందులు వాడి చక్కని ఫలితాలు పొందవచ్చు అనే విషయాలు తెలుసుకుందాం...

మేషం...
సాధారణంగా ఈ రాశివారికి తల, ఉదరం, పైత్యం, నత్తి, మూత్రపిండాలు, అగ్ని ద్వారా ఇబ్బందులు, కురుపులు (వ్రణాలు), చర్మా నికి సంబంధించిన విచిత్ర వ్యాధులు కలిగే అవకాశం ఉన్నది. అంతేకాకుండా... అండవ్యాధులు, ఉష్ణంతో కూడిన కఫం, రక్తసంబంధ వ్యాధులు హెచ్చు.
జాగ్రత్తలు: 1) ధ్యానం చేస్తూ ఉండాలి. 2) చల్లదనాన్ని ఇచ్చే పూలు (పూల సువాసన). 3) పసుపు, తేనె పరగడపున తీసుకోవాలి. 4) ఆహారంలో కందిపప్పు ఎక్కువగా ఉండాలి.

రుద్రాక్ష మాల

 రుద్రాక్ష మాల

చాలా మంది జపం చేసేటప్పుడు చేతిలో ఒక మాలను ధరిస్తుంటారు. అయితే చాలా మంది రుద్రాక్ష మాలలనే ధరించి జపం చేస్తూ ఉండటం కనిపిస్తూ ఉంటుంది. తులసి పూసలతోనూ, స్ఫటికాలతోనూ చేసిన మాలలను కూడా పట్టుకొని జపం చేస్తారు. కానీ అన్నిటికంటే శ్రేష్టమైనది రుద్రాక్ష జపమాలేనని దేవీభాగవతం పదకొండో స్కందం వివరిస్తోంది. రుద్రాక్షలతో జపమాలను ఎలా తయారు చెయ్యాలి, జపానికి ముందు ఆ మాలను ఎలా శుభ్రం చేయాలి అనే విషయాలు దేవీభాగవతంలో విపులంగా ఉన్నాయి.

ప్రతి రుద్రాక్షలోనూ ముఖభాగం బ్రహ్మదేవుడు. బిందు భాగం (ముళ్ళు ఉన్న భాగం) రుద్రుడు, పృచ్ఛ భాగం శ్రీమహావిష్ణువు స్థానాలని పెద్దలు చెబుతారు. పంచముఖి రుద్రాక్షలు ఇరవై అయిదు తీసుకుని వాటితో చేసిన జపమాల ఎంతో శ్రేష్టమంటారు. ఈ రుద్రాక్షలు కంటకాలతో గరుకుగా ఉండాలి. ఎరుపు రంగులో కానీ, తెలుపు రంగులో కానీ లేదా ఆ రెండూ కలసిన మిశ్రమ వర్ణంలోకానీ ఉండొచ్చు. ముఖభాగం ముఖ భాగంతోనూ, పృచ్ఛభాగం పృచ్ఛభాగంతోనూ కలిసేలా రుద్రాక్షలను మాలగా గుచ్చాలి. ఆవుతోకను చుట్టినప్పుడు ఉండే రూపంలాగా నాగపాశముడి(బ్రహ్మముడి) ఉండాలి. ఇలాంటి రుద్రాక్షమాలను నాగపాశం అని పిలుస్తారు.

జాతకచక్రంలో పరిశీలించవలసిన అంశాలు

కోణాదిపతులు (1,5,9) శుభులు.కేంద్రాదిపతులు నైసర్గిక అశుభగ్రహాలు అయితే శుభపలితాన్ని, నైసర్గిక శుభగ్రహాలు అయితే అశుభ ఫలితాన్ని ఇస్తాయి.
 

దృష్టి, స్ధితి, యుతి సంబందత్రయాన్ని ఆధారంగా చేసుకొని ఫలితాన్ని చెప్పాలి. జాతకచక్రంలో పరివర్తన, వర్గోత్తమం గాని ఉండటం గమనించాలి. కేంద్ర, కోణాదిపతుల పరివర్తనే అసలైన పరివర్తన. పరివర్తన ఒకే గ్రహ తత్వంలో జరిగితే మంచిది. ఉదా:- రవి, కుజ అగ్నితత్వం, చంద్ర, శుక్ర స్త్రీతత్వం.

 

దశా నాధుడు, అంతర్ధశానాధుడు ద్విద్వాదశాలు, షష్టాష్టకాలలో ఉంటే చెడు జరుగుతుంది. గ్రహం పుష్టోదయ, ఉభయోదయ, శీర్షోదయ రాసులలో ఉంటే వరుసగా అంత్యలో, మద్యలో, ఆదిలో ఫలితాలను ఇస్తాయి.